Nakita niyang nakailang ulit na ring pumasok si Nayume sa maliliit na negosyo para lang mag-apply ng trabaho pero lagi naman itong bigo. Lagi itong tinatanggihan pero nakikita naman niya ang pagiging pursigido nitong makahanap ng trabaho ng mga oras na 'yon.
Mukhang wala yata sa isipan ng dalaga ang sumuko dahil nagpapatuloy pa rin ito sa kahahanap ng trabaho pero nabigo lang ito hanggang sa sumapit ang dapit-hapon.
Napapagod na rin siya sa lihim na pagsunod sa dalaga pero habang pinagmamasdan niya mula sa malayo si Nayume ay hindi niya ito nakikitaan ng kapaguran. Malamang, tinitiis lamang nito para sa ninanais na trabaho.
Napatigil siya sa paglalakad nang nakita niya si Nayume na umupo sa isang bench na nasa isang park. Napatingin ito sa mga batang naglalaro at maghahabulan.
Makalip
