Napangiwi sa sakit ng ulo si Nayume kinaumagahan nang magising na siya.
Bahagya pa niyang pinisil-pisil ang kanyang noo dahil napakasakit talaga.
Habang nakapikit pa ang kanyang mga mata ay hinagilap ng kanyang kamay ang kanyang phone sa ibabaw ng side table pero hindi phone ang kanyang nahawakan kundi ang isang alarm clock.
Napakunot ang kanyang noo dahil wala naman siyang alarm clock. Ang phone naman niya ang ginagawa niyang alarm clock para maaga siyang magising kinabukasan.
Kinuha pa rin niya ang nahawakan niyang alarm clock at saka niya inimulat ang kanyang mga mata sabay tingin kung anong oras na at nang makita niyang almost 7:00 na nang umaga ay mabilis na napabalikwas siya nang bangon pero bigla naman siyang natigilan nang may kakaiba siyang napansin sa kanyang kapaligiran.
N
