Nahintatakutan si Vira sa pagbukas ng kaniyang mga mata. Iba ang kaniyang nabugaran. Nasa isang magandang silid siya. Maganda ang pagkakaayos ng bawat gamit. Kapansin-kapansin din sa buong paligid ng kwarto ang mga hulmang gawa sa ginto't kahoy na mga ibon. Hindi niya alam ang tawag sa mga iyon. Masyadong mahaba ang mga pakpak nito at may buntot din na mahaba.
Hindi lang iyon ang napansin niya. Sa bawat kanto ng buong kwarto ay may pintang katulad sa nasabing ibon. Kulay pula ito, habang ang mahabang buntot ay may halong dilaw sa gitnang bahagi ng kulay pulang buntot.
Bumangon siya. Mabilis ang ginawa niyang pagkilos upang alamin kung nasaan siya. Natigilan siya sa bagay na kaniyang napansin. Nanlaki ang mga mata niya nang makitang iba na ang kasuotan niya. Nakakulay puti na siyang bes
