Nangunot ang noo ko at hindi maintihan ang nangyayare.
Nasaan ako? S-saka paanong nakakakita na ako?
Napahawak ako sa mga mata at pumikit, saka didilat muli. Naibaba ko ang kamay at tulalang nakatitig sa madilim na paligid.
Malakas ang kabang bumabalot sa akin. Nanginginig ang mga tuhod ko. Ayokong mag-isa.
Pakiramdam ko nakakulong ako sa madilim na lugar. Wala akong makita maliban sa madilim na paligid. Nakakakita nga ako pero bakit puro kadiliman ang bumabalot sa sanlibutan?
Nanigas ako sa pagkakatayo nang makarinig ng mga kaluskos.
Ano iyon?
Napapalunok na naglakad ako at sinundan ang tunog na naririnig.
Napahinto ako nang may batang lalaki na nakatalikod sa akin. Malakas ang hikbi niya.
Nanlalambot ang mga tuhod niya at parang bibigay na. Tumatangos sa kaibuturan ko an
