NATIGILAN si Jack, nanlaki ang mga mata at parang sinuntok sa sikmura. Mukhang nakita nito ang pagkamangha sa mukha niya kasi may kumislap na sakit sa mga mata nito. Sakit na gusto niyang pawiin pero may nakabara sa lalamunan niya at hindi siya makapagsalita. He’s… overwhelmed. Hindi niya akalain na sobrang tindi ng magiging epekto sa kaniya na marinig mula kay Angel ang mga salitang ‘yon. Para siyang umangat sa sahig. Ang galit na nararamdaman niya kanina biglang nawala. His chest ached but in a good way. His whole body feels warm and tingly. His mouth is twitching as if… he wants to laugh.
“Minahal kita kahit alam kong hindi pwede. Minahal kita kahit alam kong hindi mo ‘yon masusuklian. Okay lang sa akin. Kasi the fact na nasa tabi kita, na masaya ako makita ka lang, okay na sa akin, J
