“JOSHUA, sure ka na ba na sasama tayo sa sinasabing cabin ni Juliana? I mean… magtitiwala ba agad tayo sa kanya?” Mahina lang ang boses ni Tanya nang magtanong siya dahil ayaw niyang marinig iyon ni Juliana na hinihintay lang sila sa labas. Hindi naman sa wala siyang tiwala sa taong iyon pero mabuti na rin ang nag-iingat sila.
Sandaling huminto si Joshua sa ginawa nitong pag-eempake ng gamit nila sa loob ng tent. Nang malaman kasi nila na may cabin naman pala sa isla ay nagkasundo sila kanina na doon na lang mag-stay para kumportable rin sila.
“Mas okay kasi kung doon tayo. Dito kasi hindi natin alam kung safe ba tayo, Tanya. Lalo na’t hindi pa natin alam kung may mababangis na hayop ba sa gubat o ano.”
“Ano kasi…” Paano ba niya sasabihin dito na medyo natatakot siya? Hindi kay Juliana
