EVAN POV
Kung may manual lang sana kung paano hindi ma-fall sa isang babaeng kasing kulit ng buhawi at kasing gulo ng traffic sa EDSA tuwing Biyernes malamang binasa ko na iyon mula umpisa hanggang dulo.
Pero wala.
At mas lalong walang manual kung paano mabuhay kasama si Diyosa Calytrix Ferrera nang hindi nasisira ang bait mo araw-araw.
Pagkatapos naming kumain sa karinderya na muntik na akong mamatay hindi sa allergy kundi sa kilig at inis naglakad kami pabalik sa resort. Tahimik sana ang gabi, may tunog ng alon, may amoy ng dagat, may romantic vibe pa nga kung tutuusin.
Kung hindi lang siya nagsasalita.
“Oy,” tawag niya, sabay talon sa harap ko. “Mukha kang napagod.”
Napatingin ako sa kanya, seryoso. “Pagod ako.”
“Sa sky diving?”
“Sa’yo.”
Ngumiti siya. Mas lalong ngumiti. ‘Yung
