HINDI inaasahan ni Nyel na mabilis niyang magugustuhan si Gaia sa malayuan. Magmula nang maibigay sa kanya ni Temyong ang litrato ng anak-anakan ay hindi niya na hinintuan ang paghahanap magmula noong mangyari ang sunog.
Mabuti na lang at marami siyang kakilala kahit saan mang lugar kaya mabilis niyang natunton ang kinaroroonan ng babae bago pa ito iuwi galing sa ospital.
“Ate, aalis na muna ako,” paalam niya sa kapatid na si Elsa pagkatapos nilang kumain ng maagang hapunan. Narito silang dalawa sa isa sa mga kwartong tinutuluyan nila sa bahay ng lalaki.
“Saan ka na naman pupunta? Tuwing alas sais na lang ng gabi ka umaalis. Saan ka na naman ba tumatambay?”
“May pinapagawa sa akin ang bago kong boss, hindi ba?”
Napabuntong-hininga si Elsa. Hindi niya naman gustong makianib kay T
