IBINABA ni Six ang mga vest na gagamitin nila sa muling pagbisita sa bahay ni Temyong. Dalangin ni Lucas na hindi sana magkaroon ng engkwentro pero para lang sigurado, binigyan sila ng tiyuhin ng bulletproof vest.
Nakalagay na rin sa kanilang mga tagiliran ang tig-iisang Glock 17M 9mm hand gun na kulay itim. May seventeen rounds ‘yon ng bala at binigyan pa sila nito ng tig-dadalawang spare magasin.
“Gibson, Janus, Brandon, kayo na muna ang bahala rito sa bahay. Nandiyan naman sina Layne at Lorice para kung sakali mang may mangyari, maging handa lang kayo,” paalala sa kanila ni Lucas na nakabihis na at handang-handa nang sumagupa sa bahay ni Temyong.
“Anak…” Lumapit pa sa kanya si Bettina habang lumalabas na sina Six upang iayos sa kotse ang kanilang mga gamit.
“Ano po ‘yon?”
“Mag
