“MAHAL ko…”
Biglang dumilat si Marijean nang marinig ang boses ni Miguel na tila ba bumulong para magising siya. Puting kisame ang bumungad sa kanya paggising. Hindi niya na alam ang sumunod na nangyari matapos niyang muling makita si Steven sa Bulacan. Sa lahat ng taong makakabangga niya sa fast food chain na iyon, ang lalaking mortal niyang kaaway pa ang nakita niya.
Isang kaibigan si Steven noong highschool pero noong malaman nitong naungusan siya ni Marijean sa pagiging top notcher, lumipat ito ng ibang school at doon naging valedictorian. Hanggang sa business ay gusto nitong maungusan din siya.
Wala namang ginagawa si Marijean sa lalaki ngunit sinugod niya ito sa fast food chain. O-order pa lamang sana siya nang makakain nang bigla siya nitong balaan at sabihan nang kung anu-a
