“ANG aga mag-ikot ni Mr. Kim ngayon, ano?” Napalingon siya sa dalawang babaeng naglalakad na may hawak na cashier box. Sa uniporme pa lang ng mga ito ay mahahalata nang nagtatrabaho ito sa isang department store sa mall na ‘yon.
Mr. Kim? Hindi kaya si Matteo ‘yon?
Mabilis niyang nilibot ang paligid. Malakas ang kutob niyang si Matteo ang tinutukoy ng mga ito kaya mas minabuti niyang maglibot-libot pa siya sa paligid. Matapos ang kalahating oras, napahinto siya sa paglalakad at lumapad ang pagkakangiti.
“Sa wakas, nahanap rin kita, Matteo. Humanda ka sa akin ngayon…”
Nakita niya ang lalaki na nakasuot ng corporate attire habang nasa isang open café. Kausap nito ang mga tindera at isang lalaki na pareho ng bihis kay Matteo. Bago siya lumapit ay tinawagan niya muna ang tatlong tauhang
