TIKOM ang mga bibig nina Gaia at Tristan habang patungo silang dalawa sa sementeryo. Kanina pa kapansin-pansin ang pagiging tahimik ng babae mula noong lumabas ito sa kwarto. Kung ano lang ang itanong ni Tristan, iyon lang din ang isasagot nito.
“Gaia, may problema ba?” nag-aalalang tanong nito matapos nilang magtungo sa Dangwa upang bumili ng isang bugkos ng labindalawa at mamula-mulang Carnation na paboritong bulaklak ni Amor.
Kanina pa nakasandal ang ulo nito sa bintana ng pinto at napapabuntong-hininga habang nakasandal sa upuan. “Okay lang ako, Tristan. Siguro napagod lang ako sa nangyari kahapon,” pagsisinungaling ng babae.
Hindi na siya sumagot pa dahil alam niyang nagdadahilan lang ang pinsan sa kanya. Sinulyapan niya pa ito nang saglit pagkatapos ay itinuon ang aten
