TIKOM ang bibig ni Bettina nang makasakay sa chopper na ipinakisuyo niya kay Marijean dahil kailangan niyang putulin ang meeting na may kasamang bakasyon sa Cebu.
Tapos naman na ang meeting na talagang ipinunta niya roon. Binigyan lang siya ng tatlong araw ng investor na ka-meeting niya upang gamiting bakasyon para kahit papaano'y hindi masayang ang pagpunta niya roon.
Alas tres na ng madaling araw nang umandar ang chopper. Kasama niya ang tatlo niyang bodyguard at si Victor na piloto.
"Madame, okay lang po ba kayo?" tanong ni Vina na isa sa mga nakatalagang bodyguards niya.
"O-okay lang ako, Vina. May...may iniisip lang ako." Mahigpit niyang ipinagdaop ang mga palad at huminga nang malalim.
Markado ng pula sa bawat planner at kalendaryo ni Bettina ang ika-7 ng Marso taon-taon. S
