Nakaupo si Flynn sa unang row sa loob ng chapel na nasa timog na bahagi ng malawak na Aseron Farms. Best man siya ng pinsan niyang si Giac sa kasal nito sa fiancee nitong si Elizabeth.
Kaya naman kahit gustong-gusto na niyang ipikit ang mga mata sa antok at pagod, sinikap niyang dumiretso ng upo. Wala pa siyang tulog sa loob ng nakalipas na seventy-two hours. At hindi nakakatulong sa pinipigilan niyang antok ang malamig na simoy ng hanging pumapasok mula sa nakabukas na mga pintuan ng pabilog na chapel.
Salamat sa kapalpakan ng ilang security personnel sa gusali ng kliyente nilang DeAsis Finances kaya mahigit tatlong araw siyang walang pahinga. Pagdating niya kasi ng isla noong isang araw ay iyon agad ang inasikaso niya. The security system his former company Queen’s Security and Investi
