Hindi iyon ang unang balik ni Dana sa Isla Fuego mula nang maghiwalay sila ni Flynn. In fact a couple of weeks after their break-up, Lolo Nemo invited her to come to the mansion. Imbitasyong pinaunlakan naman niya.
At nakakahiya mang aminin, kinagat niya ang maitim na plano ni Lolo Nemo na tutulungan siya nitong mabawi si Flynn mula sa April na iyon. Subalit nang sa ika-limang beses ng pagtatangka niyang makipag-balikan sa kanya si Flynn ay mabigo pa rin siya, noon niya na-realize na sarili lang niya ang
kinakawawa niya.
Lalo na nang puntahan siya ni Flynn sa bahay niya upang makiusap na tigilan na niya ang ‘panggugulo’ diumano niya dito.
“You’re not normally like this, Dana. This is not you anymore. Huwag mo nang paulit-ulit saktan ang sarili mo. Just let me go,” anito nang sabik na
