Mula sa kinauupuan nina Dana at Shebbah sa sofa sa loob ng gameroom ay pinapanood nila ang pagkakasiyahan ng magpipinsang Aseron na naglalaro ng bilyar sa kabilang panig ng silid.
Wala siyang tulak-kabigin sa hitsura ng tatlong magpipinsang naroon. Lahat ng mga ito ay pawang makikisig at gwapo. Sa tatlong magpipinsan na naroon ay bukod tanging si Flynn lang ang ika nga ay wala pang sabit. Sina Ravin at Giac kasi ay parehong naroon din sa silid ang mga nobya.
Tiyak maiinggit si Ceza sa kanya kapag ikinwento niya ditong ilang araw niyang nasolo ang atensyon ng mga nagugwapuhang lalaking Aseron. Subalit para sa kanya, iisang binata lang ang gusto niyang mapansin siya.
Si Flynn na napakagwapo sa suot nitong gray sweater at black slacks. P
