Chapter 53
Peay Madrid Lee
"Parang noong isang araw lang, hindi mahulugan ng karayon ang mukha mo. Pasmado ang mata sa kakaiyak, tapos daig pa ang nalugi, ngayon naman blooming, daig pa ang naka-jockpot. Magtapat ka nga, Peay? May hindi ba kami nababalitaan, ha?" sabi ni Vanna. Hindi aalis talaga itong chismosa na ito.
"Kailan ang uwi mo sa hacienda?" tanong ko sa kanya.
"Matagal pa, mauuna mong sagutin yung tanong ko, siguro. Kaya huwag mong ibahin ang usapan ha? Sabunutan kita diyan e. Anuena!?" Napaka demanding naman. Ganito na ba ang makabagong henerasyon ng mga chismosa?
"Oo na! Sasagot na! Nagmamadali? May lakad ka? Heto na o, nanginginig pa, sasagutin na nga," sabi ko sa kanya. Lintek.
"High blood ka na naman, bakla ka. Sabihin mo na lang. Daming pasakalye e."
''Bumalik na
