Kinaumagahan, kinatok nina Niño at Jude ang kwarto ni Ricky bago sila pumasok. Tulog pa si Ricky sa higaan nya at nakababa pa ang window blinds ng bintana.
"Kuya, gising na. Kuya," marahang wika ni Niño na inalog si Ricky.
Naalipungatan si Ricky.
"Gising na, Kuya," ulit ni Niño.
"Good morning, boys. Five more minutes," ani Ricky na muling pumikit at nagtalukbong ng kumot.
"Kuya, bangon na!" wika ni Niño na hinatak ang kumot ni Ricky.
"Ok. Babangon na," dahan-dahang umupo si Ricky at tumingin sa alarm clock nya.
Alas sais pa lang ng umaga. Saka lang nya napansin na nakatype C ang dalawa. Maong na pants, brown hi-cut leather shoes, polo shirt na puti na pinapatungan dark blue na cardigan na may school crest sa kaliwang bahagi.
"Wala ba kayong pasok?" tanong ni
