Ginising na naman si Ricky ng mga panaginip nya. Pagbangon nya ay kaagad nyang tiningnan ang oras. Alas onse ng tanghali. Kaagad syang bumangon at pumasok sa banyo para maligo. Paglabas nya ng kwarto nasa sala si Niño at nakalatag sa lamesa ang unassembled bow nya.
"Magandang tanghali, Kuya," bati ni Niño.
"Magandang tanghali," bati pabalik ni Ricky na kaagad dumiretso sa kusina at kumuha ng mug.
Kumuha sya ng chocolate drink sa ref at isang vial para sa pen injector ng gamot nya. Bumalik sya sa salas at umupo sa tabi ni Niño.
"Nililinis ko lang po ang busog ko," wika ni Niño.
"Ang ganda naman nyan. Bagay sa personality mo," puri ni Ricky.
"Regalo mo po ito sa akin noong kaarawan ko bago nangyari ang digmaan," kwneto ni Niño, "kabayo ang iniregalo mo kay Jude noon.
