Kinakabahang napatitig si Krystal sa kanyang ate. Piniit niyang umakto ng normal sa kabila ng pananabik na nararamdaman niya.
Tumikhim siya bago nagsalita,
"Uhm, kukuhaan ko lang po kayo ng blood pressure, ma'am." anang dalaga,
Tumaas naman ito mula sa pagkakahiga hanggang sa head board at iniabot sa kanya ang kanang braso.
"Bago ka ba dito?" mahinahong tanong nito sa kanya.
Umiling si krystal bilang tugon.
"Parehas na parehas kasi ang mga mata n'yo ng kapatid ko," malungkot na saad nito sa kanya habang kinukuhaan niya ito ng BP.
Dahil sa narinig ay napaangat ang mukha ni Krystal sa kanyang ate. Napakadali lang naman sabihin dito ang katotohanan pero dahil sa sitwasyon nila ngayon, kailangan niya munang ilihim dito ang lahat habang hindi pa siya nakakagawa ng paraan kung paano maka
