Maingay ang bawat sulok ng bahay. Sunod-sunod ang mga lalaking pumapasok bitbit ang mga bagong gamit na ilalagay sa bagong bahay. Nasa tabi nila si Mama na taga-turo kung saan ibaba ang mga iyon.
Habang ako naman ay bitbit si Lawrence sa yakap ko. Si Ralph na nagpumilit na sumama sa amin ay tumutulong din pagpapasok ng mga gamit namin. Kasama niya si Zero na nagtataka pa din kung paano nalaman ni Ralph ang plano namin.
Nagtatanong na tiningnan niya ako, tanging kibit balikat lang ang naging sagot ko dahil kahit ako ay nagtataka dahil doon. Pero sa naging reaksyon ni Mama kanina noong nakita niya si Ralph, mukhang siya ang may pakana noon.
Napailing na lang ako at muling inikot ang paningin ko sa paligid. Moderno ang pagkakaayos ng bahay sa labas, pero ang loob ng bahay ay puro kahoy ang
