Jarix
"Sunny."
Tumingin naman ito sa kanya, pero hindi naman siya makapagsalita, kaya umiwas ulit ito ng tingin.
Napakuyom ang kamao niya, hindi pa siguro ito ang tamang panahon para magtanong.
Malimit niyang tinitingnan ang phone niya dahil minsan hindi tumatawag si James, kaya may pagkakataon na pag hindi niya nabasa ang text nito ay huli na.
Habang naghihintay ay pinagmamasdan niya si Sunny, pero nagulat pa siya ng biglang tumunog ang telepono niya, tumatawag si James.
"Bakit?"
"Anong klaseng pasta?"
Napakunot ang noo niya sa tanong nito, kahit anong pasta naman ay puwede. "Lahat naman ng pasta puwedeng gawing sopas."
"Sinong nagsabi? Pasta nga ng lasagna hindi puwedeng gawing sopas. Baliw ka ba?"
"Macaroni na lang."
"Anong sahog?"
Hindi pa pala ito nagsisimulang magluto. Pa
