CHAPTER 19
Magtatanghali na nang magising sina Ash at Isla. "Kamusta ang pakiramdam mo?" tanong sa kanya ng asawang si Ash. Pinagmasdan niya ito at makikita niya ang pagod sa mga mukha nito na para bang hindi nakatulog kagabi.
"Ayos naman. Ikaw? Nakatulog ka ba nang maayos?" tanong niya rito pabalik. Baka kasi napuyat ito kababantay sa kanya.
"Mmm. A little."
Tumango siya. Kaya pala kapansin-pansin ang itim sa ilalim ng mata nito. Halatang puyat talaga ang asawa. "Bakit naman kasi hindi ka natulog?" nakangusong tanong niya rito. P'wede naman itong umidlip dahil ayos naman na siya.
Sa totoo lang, hindi niya alam kung bakit siya nagkaganoon. Ayaw niya talaga sanang pumunta ng ospital dahil baka malaman niyang may malubha pala siyang sakit. Mas maganda na iyong wala siyang alam para
