Chapter 17
Hindi man kumbinsido sina Papa Pat at Papa Zanjo sa mga ginagawa ko sa buhay ko ay hindi na nila nagawang pigilan ako. Gusto kong tuklasin ang buhay sa paraang gusto ko. Kailangan kong matuto sa aking mga pagkakamali, ipagdiwang ang aking mga tagumpay. Hanggang pagpapayo lang naman ang tangi nilang magagawa. Sadyang matigas ang ulo ko. Kung ano ang gusto ko, iyon ang sinusunod ko.
Ibinili ko ng sasakyan ang pinanalunan ko sa PBB at ang kulang ay buwanan kong huhulugan. Hinayaan na lang ako nina Papa Pat sa mga desisyon ko. Hindi na ako nakahabol sa enrolment namin kaya ang buong atensiyon ko ay na-focus na sa pagpasok ko sa showbiz. Kung may pinakamabentang at sikat na mga artista, iyon ay walang iba kundi sina Mark Kym at Erin. Ngunit ang ikinaganda din naman ay nagsisimula n
