Chapter 18
Sa katulad kong may gustong patunayan at bawiin, gagawin ang lahat maipanalo ko lang ang aking laban. Lalo na kong pinagbubuti ang aking pag-aartista lalo pa't alam kong abot kamay ko na ang dati'y imposible lamang. Sana malaman ngayon ni Mark Kym ang kaibahan ko sa kaniya. Pinatutunayan ko sa kaniyang hindi kailangang siyotahin ang ka-loveteam para lang kumita ang inyong team-up. Hindi kailangang gamitin ang katawan para lang magkaroon ng projects. Siguro nga mapalad ako dahil hindi ko pinagdaanan ang kaniyang mga pinagdaanan para lang magkapangalan ngunit naniniwala akong ang pinakamahalaga paring sangkap kung gusto mong makilala sa mundo ng showbiz ay ang talent.
Maramig pagkakataon na nakakasalubong ko o kaya ay nakakasabayan si Mark Kym ngunit hindi pa napapanahon para ha
