MAY NAKASABAY si Lavender sa pagpasok sa malaking klinika. Kagaya niya ay nakapantulog pa ito. Halos sabay silang pumasok sa glass door na binuksan ng alertong guwardiya. Nagtuloy-tuloy ito sa loob ng klinika pero hindi ito sinaway ng babaeng naka-scrub suit na nakaupo sa reception table.
Nginitian siya ng babae na sa tingin niya ay nurse.
“Good morning po. Ano po ang maitutulong ko, Ma’am?” magalang na tanong nito sa kanya. Sinuri nito ang kabuuan niya na tila ina-assess kung ano ang nangyari sa kanya at napasugod siya roon nang madaling-araw.
“I’m looking for Pablo Vicente Munis,” sagot niya.
“Kayo po si Doc Lavender?” tanong nito.
Tumango siya.
Tumayo ito at iginiya siya papasok sa pinakaloob ng klinika. Binuksan nito ang isang pinto. Tipikal na medical clinic ang bumungad sa ka
