PANAY ang buntong-hininga ni Lavender habang sakay ng eroplano pauwi sa Pilipinas. Sinulyapan niya ang katabi niyang si Pablo na abala sa paglalaro sa PSP nito. Pinigilan niya ang sarili na irapan ito.
Inakala niya noong una na hindi nito tototohanin ang banta nito sa kanya na iuuwi siya nito sa Pilipinas. Nagsumbong ito sa mga magulang niya. Hindi nito sinabi na ginamit niya si Papa Simeon para mapabalik sa kanya si Arthur. Isinumbong lang nito ang pagpapakagaga niya sa isang lalaking may-asawa. Isinumbong nitong halos manikluhod siya sa pagmamakaawa.
Naeskandalo ang kanyang ina. Hindi raw nito matatanggap na magiging kabit siya. Pagdating kay Pablo, wala itong duda. Hindi raw marunong magsinungaling ang binata. Gustong-gusto ng mga magulang niya ang binata kahit na ganoon kagaspang ang
