“O, NAPASYAL ka,” bati ni Lavender kay Pablo na walang pasakalyeng pumasok sa loob ng klinika niya kahit pa may mga medical representative na naroon.
“I need to talk to you about your plans for this weekend,” anito habang umuupo sa maliit na examination bed niya.
“Sandali lang,” sabi niya rito bago niya binalingan ang mga med rep na kausap niya. Kinuha niya ang mga sample na gamot at mga libreng ball pen. Pinirmahan niya ang mga dapat na pirmahan at saka pormal na nagpaalam ang mga ito.
Paglabas ng mga ito ng clinic niya ay tumayo siya at nilapitan si Pablo. “Napasugod ka yata? Akala ko ba busy ka?” Ang alam niya ay may pinaghahandaan itong gallery exhibit. Pero dahil sa mga nangyari nang nagdaang linggo, nagulo ang mga plano nito. Marami pa itong kailangang tapusin na paintings.
“Ala
