Ginamot ni Grace ang mga sugat ko. Mahapdi at masakit iyon. Pero hindi ko alintana dahil mas nagdurugo ang puso kong sugatan. Nakatitig ako sa kisame ng kuwarto na pinahiram sa akin ni Tom. Kahit gusto kong matulog at magpahinga, hindi ako dinadalaw ng antok. Hindi mapakali ang isip ko. Pumapasok sa kukote ko ang imahinasyon ni Kuya kasama ang asawa ko. Napamulagat tuloy ako at ayaw nang pumikit pa.
Muli akong napabaling sa side table na katabi ng kama kung saan naroon ang basag kong cellphone. Basag ang screen noon pero gumagana pa naman at naka on. Nagbabakasakali ako ng kahit isang text o message sa chat na galing kay Leila. Pero ni isa wala akong natatanggap. At napakasakit noon sa akin. Wala ba siyang pakialam?
Napangiwi ako nang bumangon. Masakit na ng tuluyan ang katawan ko dahil
