Natapos ang salo-salo. Dumating ang barkada ko dahil napaka-awkward na kasama ko si Grace at kami lang na dalawa. Kaya naman tinext ko sila.
Nag-iinuman kami sa labas, sa malawak naming bakuran. May parang bahay kubo doon pero kalimitan ginagawang sampayan ni mama ng mga pinapatuyong damit o malalaking blanket.
Umasim ang mukha ko noong lumapit sa amin sila Kuya. Siyempre nakaakay na naman ang asawa ko sa kanya.
Nilagok ko ang alak sa baso ko. Nang ibaba ko iyon, nahuli ko si Grace na nakamasid sa akin. Binalewala ko siya.
Naupo sila Kuya at sinamahan kami doon. Mas lalo tuloy akong ginanahang uminom!
Okay lang iyan, Nate. Atleast nakikita mo sila. Mababantayan mo!
"Kuya Erick, kumusta? Long time no see. Welcome back from the dead!" pagbibiro ni Tom.
"At mukhang pabalik pa rin doon,
