SA dulo ako nakahanap ng pwesto pagkapasok ko sa cafeteria. Inilabas ko na ang baon kong lunch box. Lihim pa akong nagpasalamat dahil panandalian nawala ang maingay na boses nito. Hindi ko alam pero dati naman ay ayos lang sa akin na maingay siya, pero habang tumatagal, nagbabago na ang paningin ko kay Mutya.
"Dito tayo."
Narinig ko muli ang boses ni Mutya.
Inangat ko ang aking paningin at halos magulat ako nang makitang kasama nito si Jam. May isa pa silang kasamang babae ngunit kung ikokompara, mas maamo ang mukha nito kesa sa dalawa.
"Hi Ligaya!"
Ngumiti ako kay Jam nang kawayan ako nito. Lumapit din sila sa mesa ko.
"Mabuti naman at pumayag ka na kay Pres. Joachim. Naku! Kung alam mo lang na nabigla talaga 'yon nang makita ka sa office."
Umupo sa tapat ko si Mutya. Sa tabi niy
