CHARLENE
SATURDAY MORNING...
HINDI MAIPINTA ang mukha ni Shawn habang nagpapaliwanag sa harapan niya. Walang reaksyon o emosyon na makikita sa mukha niya. Sa hindi niya maipaliwanag na dahilan, hindi maayos ang pakiramdam niya. Naiinis siya na parang gusto niya manakal subalit hindi niya alam kung bakit? Galit siya? Bakit naman siya magagalit? Walang rason para makaramdam siya ng gano'n.
Napabuntong hininga siya.
"Look, Shawn. I don't care. As in. Wala akong pakialam kung saan ka natulog o kung sino man ang kasama mo, okay? Hindi mo kailangan mag-explain sa'kin," may diin ang bawat salitang lumalabas sa bibig niya.
Mabilis na hinuli nito ang kamay niya ngunit kaagad niya inagaw ang kamay.
"Please, believe me. Hindi ko alam na si Maureen ang nag alalay sa'kin. Dinala niya ako sa room
