Hanggang ngayon ay naguguluhan pa rin ako. Hanggang ngayon ay hindi pa rin ako makapaniwala sa lahat ng sinabi sa akin ni Sir Levi kanina. Buong akala ko ay nagkakaintindihan kami na isang gabi lang yun at pagkatapos ng isang gabi ay kakalimutan na namin ang lahat ng nangyari sa amin.
Mabuti na lang talaga at may dumating na co-teacher niya kanina kaya napilitan siyang pakawalan ako. Kundi ay baka hindi ko na alam ang sumunod na nangyari. Hindi na rin pwedeng maulit ang bagay na yun dahil narito kami sa loob ng campus at alam kong kapag may nakaalam ay parehong masisira ang aming reputasyon sa eskwelahang ito.
"Oh? Bakit parang namumutla ka yata? May nangyari ba sa'yo?" Si Jarred na bigla akong sinalubong sa aking paglalakad.
"H-ha? Namumutla?"
"Oo! Tingnan mo nga 'yang hitsura mo?
