Hindi ko maalis ang mga tingin ko kay Baste at masyadong namumutawi ang kagalakan ko na atlast I am experiencing love. Kahit bago ito sa pakiramdam para akong nasa ulap. Posible pa lang mangyari sakin ang mga nababasa ko lang noon at napapanood. Ang pag-ibig na magpapabaliw sa puso at isip mo hanggang marinig mo rin sa taong mahal mo na mahal ka niya.
Isang dangkal na lang ang layo namin sa isa’t-isa pero wala pa rin gustong magsalita. Binuka ko ang bibig pero sinara ko muli. Akmang magsasalita siya ng biglang may sumigaw.
“Tulong!!” Napalingon kami sa masukal na lugar sa kanan. Bago pa ako makapagsalita para magtanong sa kanya tumakbo na siya sa direksyon ng humihingi ng tulong. Napasunod naman ako sa kanya. Nagulat kaming makita ang isang lalaki na punit ang asul na damit at nagdurugo
