"Sana... huli na 'to. Dahil natatakot ako, natatakot na baka may gawin na hindi maganda ang babaeng 'yon para masira ang pamilya natin. I forgive you, Arthur. Sana lang ay . . . gano'n ka rin sa akin. Sana ay bukas din ang isipan mo kung sakali man na ako ang magkamali, sinasadya ko man 'yon o hindi. Sana mapatawad mo rin ako ka-agad gaya ng gagawin ko, para sa pamilya natin. Sana ay hindi maging matigas ang puso mo at maging sarado ang isipan mo gaya ng nangyari sa atin noong muli tayong magkita. Mahal na mahal kita, mister ko," sabay halik nito sa labi ni Arthur saka niya na rin 'to ginantihan nang mahigpit na yakap.
Hinihiling na lamang ni Amanda, na sana bukas ay matapos na 'to. Sana ay hindi na niya muling makita pa si Scarlett at may sabihin na naman na magpapasakit sa kanyang loob.
