[Pagkalipas ng dalawang taon]
—Angela’s POV—
“Surprise, Ma!”
“Anak! Akala ko bukas pa ang uwi niyo?! Welcome home!” hinalikan ako nito sa pisngi.
“Excited na si Sunny umuwi kaya nagdesisyon akong ngayon na umuwi.”
“Mukhang napagod sa byahe si Sunny.” ngiting-ngiti ito habang nakatingin kay Sunny na mahimbing na natutulog sa mga bisig ko.
“Hindi, mas napagod siya sa kakasabi na excited na siyang umuwi dito.” napatawa ako nang maalala kung gaano ito kasaya ng sabihin kong papasiyalan namin ang Lolo nito.
Hindi ko na iniisip pang bumalik ng Pilipinas. Masaya na ako sa ibang bansa, sa New York, masaya na kami ni Sunny pero dahil sa kondisyon ng puso ng Tatay ko kailangang kami ang bumisita dito.
“Ihiga mo na muna si Sunny sa kwarto mo.” inalok nitong buhatin si Sunny pero sinabi ko na
