Chapter 67
“Huwag mo na tuksuhin sa akin si Ethan dahil may asawa na ako ngayon,” napatingin naman sa kanya si Daisy dahil sa kanyang sinabi.
“Bakit naman? Seloso ba si Hunter? Natatakot kang magtampo sa iyo ang asawa mo kaya naman ayaw mo na marinig niya na tinutukso kita kay Ethan?” sunod-sunod na tanong ni Daisy sa kanyang kakambal at may halo pa itong pagtukso sa kanya.
“Inaamin ko naman saka ayoko na mag-away kami dahil lang sa isang maliit na bagay. Saka ngayon na maganda na ang samahan namin ay ayoko na masira yung nasimulan namin. Maiintindihan mo ang ibig kong sabihin oras na kasal ka na rin,” paliwanag naman ni Lily sa kanya at dahil nga nakikita ni Daisy na seryoso si Lily ay napatango na lang din siya at hindi na niya ito biniro dahil may katotohanan naman ang sinasabi ng ka
