Sumabay sa ihip ng hangin-panggabi ang abo ng isang bampira na isa sa nagbabantay kung saan kinukulong ang mga inosenteng bampira na ginagawang alipin ng Hari..na ngayon ay sapilitan na rin pinagsasanay laban sa Black Alliance.
Walang ingay na sinuyod ng matatalas na mga mata ni Xania ang buong paligid.
"Nice move,ang hot mo talaga sa tuwing nakikita kitang nagpapatumba ng kalaban," anas ni Jino ng sumulpot ito sa tabi niya.
Napailing na lang si Xania. Nasa kalagitnaan sila ng pagsugod sa kampo ng isa sa teritoryo ng ama nito nagagawa pa nitong manukso sa kanya.
"Umayos ka nga,mahal na Prinsipe..baka pumalpak tayo sa plano mo kung ano-ano nandyan sa utak mo," pabulong niyang tugon rito.
Tumawa ito ng mahina. Hindi siya nakahuma ng bigla na lamang nitong daklutin ang batok niya at mari
