Jas Suarez
"How about the bombing at Oakwell Market?" tanong ko.
Habang nasa meeting room ng royal palace, halos hindi na ako magkanda-ugaga.
Kagagaling ko lang sa sakit at hindi pa tuluyang naghihilom ang sugat ko pero kailangan kong ayusin ang mga gusot sa palasyo.
"Nalaman po naming galing sa Nearon ang mga bombang ginamit kaya malaki ang posibilidad na sila ang may kagagawan niyon," ani Jerrelyn, isa sa mga katiwala ko sa pag-iimestiga sa Oakwell.
"Huwag ninyong iiwan ang insidente hangga't hindi nahuhuli ang may sala."
"Masusunod po, Mahal na Prinsesa."
Tinuon ko naman ang atensyon kay Jessa. "Paano naman ang tungkol sa sakit na kumakalat sa Floura?"
"Nagpadala na ang Golden Palace at Sky Kingdom ng gamot at pinakamagagaling na doktor upang hindi na kumalat pa ang sakit."
"Ma
