Jas Suarez
Pag-uwi ko ay wala sina mama kundi si Justine lang na nasa sala at nanonood ng TV. Adik talaga ang isang 'to sa TV. Kulang na lang idukdok ang mukha niya sa sobrang close nila.
"Justine, si mama?"
"Wala pa, may kausap kanina sa telepono at makikipagkita yata roon," sabi niya. Hindi man lang ako tiningnan o w-in-elcome home kahit saglit.
Napapansin ko ring laging wala si mama sa bahay nitong mga nakaraang araw. Hindi naman siya nagbabanggit kung ano ang ginagawa niya. Hindi ko na rin naman masyadong tinatanong kasi baka may pinagkakaabalahan tulad ng negosyo.
Nagpunta ako sa kwarto ko at nagbihis na. Sa tingin ko hindi naman ako makakakain ng hapunan dahil ang dami kong nakain kanina sa date namin ni Ron-Ron. Hanggang ngayon kinikilig pa rin talaga ako sa tuwing iniisip kong
