Dahan-dahang isinara ni Domingo ang pinto ng bahay ni Dante. Bago siya maglakad ay tinitigan niya muna ito at pinakiramdaman. Hindi niya alam kung bakit pakiramdam niya ay may hindi tama sa sinabi ni Lilian. Alam niya kung gaano ka-busy ang dalaga kaya nagtataka siya dahil andito ito at naglilinis. Idagdag pang malalim na ang gabi.
Huminga siya nang malalim at naglakad na papunta sa elevator habang iniisip nang maige kung nasaan ang kanyang tiyohin. Kanina kasi ay may pinagawa ito sa kanya at mariing ibinilin na h’wag sasabihin kahit kanino ang tungkol doon. At hindi maganda ang kanyang nalaman. Pina-check ng kanyang tiyohin ng mga records ni Salvador. Lahat ng mga naging transaction nito na kaugnay ang kompanya. At sa kanyang nalaman ay malaking pera buwan-buwan ang kinukuha nito mula s
