Lumipas ang tatlong araw pero hindi na nagpakita pa si Dante kay Moymoy. Hindi pa rin umalis ang tatlong bodyguard na nagbabantay sa kanya kaya labis siyang nagtataka. Mayroong ibinigay sa kanyang cellphone si Dante para daw kapag gusto niya itong kontakin ay tatawagan niya. Ngunit hindi naman ito sumasagot. Ni hindi nga niya ito ma-contact sa tuwing sinusubukan niyang tawagan.
“Oh, ‘tol? Bakit parang ang lalim ng iniisip mo?” tanong ni Gibo kay Moymoy.
Natigil sa pagsipsip ng softdrinks na nakalagay sa plastic na may straw. “Wala.”
“Kailan tayo ulit mangangalakal?”
Nagkibit ng balikat si Moymoy. Wala pa rin kasi siyang ganang gawin ang mga dati niyang gawain. Tapos natatakot pa siya dahil minsan ay nakikita niya sila Joel. Mabuti na nga lang at hindi umaalis ang mga bodyguards niya
