Dante’s Point of View
“Hello, Moymoy.”
Napalunok ako nang makita ko ang babaeng nagmamaneho ng kotseng pumara sa harapan ko– si Rica. Paano niya nalaman na nandito ako? Isa ba siya sa kasabwat ni Ishir? Hindi malabo. Nobya ito ng kaibigan ni Ishir at karelasyon pa. Tatayo na sana ako pero nagsalita ito ulit.
“I’m here to help you!” anito. “Sasama ka ba sa akin o mas gusto mo sila ang makakuha sa ‘yo?” Tumingin ito sa harapan namin.
Tumayo ako nang kaunti. Agad na nanlaki ang mga mata ko noong makita ko ang mga tauhan ni Ishir na naglalakad sa gilid ng kalsada at nagtitingin-tingin sa paligid. Papalapit na rin sila sa amin kaya lalo akong nataranta. Hindi nila ako pwedeng makuha dahil sigurado akong hindi na nila ako bubuhayin.
“What are you waiting for?” tawag ulit sa akin ni Rica
