Si Red. Sabi ni Gibo ay hindi niya raw ito kilala. Mayroon daw siyang naririnig na amo nga iyon ni Joel. Pero wala silang ideya kung sino iyon. Binabanggit ko ‘yong bahay na pinagdalhan sa akin pero wala siyang kaalam-alam tungkol doon. Sabi raw kasi bahay nga iyon ni Joel. Pero wala naman daw nakikita roon bukod sa mga kasama nitong barako.
Napabuntonghininga ako habang tulalang nakatitig sa bag na inabot sa akin. Nasa bahay na ako at pinag-iisipan ang gagawin ko roon. Kagigising ko lang. Madilim pa nga sa bahay. Nakaupo ako sa kama at kanina pa nag-iisip kung susundin ko ang lalakeng iyon. Tangina! Naghirap din naman ako noon pero hindi ko nagawang magbenta ng dr0ga! Ngayon lang nagiging malinaw sa akin ang lahat. Kaya galit na galit si Joel kay Moymoy dahil sa taong ‘yon. Dahil kay R
