LIGHT BENEATH THE DARK

Light Beneath The Dark 84

THIRD PERSON'S POV:

"How did you know?" Bumalik sa dating emosyon ang mukha ni Klei matapos niyang makumpirma kung ano na ang nangyayari.

Alam niyang lahat ng mga sekreto ay lalabas. Pero hindi pa rin siya makapaniwala na dalawang araw lang silang nagkakasama pero nabuking agad siya ng taong misyon niya.

Imbis na sagutin siya ng lalaking nasa itaas ng building, nakita na lang niya itong tumalon paibaba. Kung kaya't napaatras siya patalikod upang bigyan ng espasyo ang taong ito. Hindi dahil sa gusto niyang tumakas.

Wala rin namang mangyayari kapag umalis siya, siguro chansa na rin niya ito upang gawin ang misyon ng wala sa tabi ang kakambal.

"Hindi mo talaga itinanggi na hindi ka si Akami," nakangising anito saka siya binigyan ng makahulugang tingin.

"Para saan pa? Kung alam mo na."