“Sinundan nila kami!” sigaw ni Bea at marahan sinuntok si Nikko sa braso. “Ano? Alam niyo na. Wala kang tiwala sa akin ‘no? Akala mo may kinakatagpo ako? Wala!” umirap ito bago ngiti-ngiting humarap sa akin. Ang bilis magbago ng mood.
Inilipat ko naman ang tingin kay Kino at Ella na hindi nagpapansinan, parehong nakasimangot. Itong dalawang ‘to, parang mga bata.
Nagpatuloy ako sa paglalakad at pinagbuksan sila ng gate na gawa sa kahoy. Hindi ko pinansin ang pagbaba ng tingin ni Nikko at Kino sa maumbok kong tyan.
“Pasok kayo,” nilawakan ko ang pagkakabukas no'n at tumabi. “Make sure nagdala kayo ng mangga at bagoong.” Iyong kasi palagi ang request ko sa kanila kapag pumupunta sila rito kahit naman meron sa palengke o dyan sa tabi-tabi.
“Oo naman!” sabay sabi ng dalawang babaeta. Napasi
