KABANATA 80
Kinabukasan pagkagising ni Via ay sobrang sakit ng ulo niya, marahil ay dahil doon sa ininom niyang alcohol kagabi. Bumangon siyang tila nanlalagkit at doon niya lang nalaman na dinatnan na pala siya. Kahit masakit ang ulo at iba ang nararamdaman niya ay pinilit niyang bumangon para magpuntang banyo at maglinis ng katawan.
Iniwasan niyang huwag magising si Russell ngunit eksaktong makababa siya ng kama ay narinig niya ang boses nito.
“Good morning, mahal ko,” anas nito sa inaantok pang boses.
Ngumiti siya at kinintalan ito ng isang halik sa labi. “Good morning.”
“Kumusta pakiramdam mo?” tanong nito na pinababalik siya sa higaan.
“Hell,” sagot niya. “Kailangan ko munang magbihis, dinatnan na ako,” aniya at tuluyan nang bumangon para kumuha ng damit ni
