KABANATA 42
“Ayaw mo ba talagang umuwi sa inyo?” tanong ni Diego sa kanya.
Umiling siya. “Kahit ang isipin na uuwi pa ako roon ay ayaw ko na,” sagot niya.
Hindi niya sinabi kay Diego ang totoong dahilan kung bakit ayaw na niyang bumalik sa bahay nila. Mas mabuting huwag na muna nitong malaman ang totoo.
“Okay, babalikan kita rito mamaya. Kakausapin ko lang sina Mommy at Daddy, sana lang ay pumayag sila,” sabi nito sa kanya.
“Papayag iyan. Ito naman ang gusto nilang mangyari sa ating dalawa, ‘di ba?” saad niya.
Mataman siyang tinitigan ni Diego. “Okay ka lang ba talaga?”
“I’m not okay, at alam mo iyan. Nakita mo namang kagagaling ko lang sa sakit.” Nakatawa niyang wika rito.
“Zelle, you don’t have to do this…”
“I have to do this, Dey. Ito lang ang paraang
