KABANATA 15
Nadismaya si Via nang makita kung sino ang makakalaban niya nang gabing iyon. Hindi yata nito natanggap ang pagkatalo noon at bumalik pa para bigyan ulit ng kakahiyan ang sarili.
“Hindi mo na ako matatalo ngayon. Ilang araw kong pinaghandaan na muli kang makalaban at matalo,” mayabang nitong sambit.
Napangisi siya at tila tinatamad na tiningnan ito. “Wala ako sa mood makipaglaban ngayon kaya kung puwede sumugod ka na lang at nang matapos na ito.”
“Ang yabang mo talaga! Kahit anong mangyari ay hindi ako papaya na matalo lamang ng isang babae!” sigaw nito at mabilis na sumugod.
Nasangga niya ang kamay nitong tila sinadyang ipakitang susuntukin siya sa mukha ngunit nakita niya ang pagngisi nito at nakita niya ang mabilis na paggalaw ng isa nitong binti para
