KABANATA 54
Kinabukasan ay nauna sila ni Russell sa Studio may bitbit itong starbucks at sabay silang kumain. Gusto niya kasing ipakilala ang mga bagong miyembro at excited na rin siya sa bagong looks ni Stephanie. Inabot sila kagabi ng alas diyes makumbinsi lang itong magbago ng pananamit.
“Hindi pa rin ako makapaniwala sa closeness niyong tatlo, paano mong nailihim ang gano’n sa akin?” may himig pagtatampo pa ring saad ni Russell.
Sumubo siya ng mocha cake bago nagsalita. “Hindi ka naman nagtatanong, bakit ko sasabihin sa’yo?”
Sinimangutan siya ni Russell. “Boyfriend mo ako, kaya dapat lang ay alam ko ang lahat ng tungkol sa’yo.”
Tinaasan niya ito ng kilay. “Sinagot na ba kita?”
“Muntik nang may mangyari sa atin, Vebs, huwag mong sabihing—” Isinubo niya ang cak
